Akademie
Ons onderwysers is bekend vir hul uitsonderlike onderrigvermoëns. Om ‘n
positiewe en suksesvolle akademiese omgewing te bevorder, moet onderwysers, leerders en ouers harmonieuse samewerking hê.
‘n 100% slaagsyfer is haalbaar wanneer die belange van die leerder altyd geprioritiseer word. Effektiewe kommunikasie is te alle tye van kardinale belang. Dit is noodsaaklik dat leerders hul huiswerk daagliks voltooi en dat alle assesserings en take betyds voltooi word. Leerders word verwag om goed voorbereid te wees vir toetse en eksamens. Dit is in u kind se beste belang dat u betrokke en ondersteunend is waar nodig.
Ons Graad 1-2 klasse het twee gekwalifiseerde onderwysers per klas, terwyl ons Graad 3 klasse baat vind by een addisionele onderwyser wat tussen die twee Afrikaanse klasse gedeel word en een ekstra onderwyser wat tussen die twee Engelse klasse gedeel word as intervensieonderwysers. Ons bied ook intervensieklasse aan vir Graad 4-7 leerders.
Ons Grondslagfase en Intermediêre Fase neem deel aan verskeie buitemuurse kompetisies en Olimpiades, waar ons leerders uitblink
In die Grondslagfase poog ons om die ontwikkeling van die hele kind te bevorder – akademies, fisies, emosioneel, sosiaal, geestelik en kultureel.
Tydens die kurrikulum vind deurlopende assessering plaas om onderwys en onderrig van ‘n hoë gehalte te verseker.
